26 студзеня 2024 г. у 11.00 у Прэс-цэнтры Дома прэсы адбудзецца прэс-канферэнцыя на тэму: «Аб выніках навуковай дзейнасці ў сферы экалогіі ў 2023 годзе і планах на 2024 год».
Удзел прынялі:
- Салаўёва Ірына Анатольеўна - намеснік начальніка ўпраўлення аналітычнай работы, навукі і інфармацыі галоўнага ўпраўлення экалагічнай палітыкі, міжнароднага супрацоўніцтва і навукі Міністэрства прыродных рэсурсаў і аховы навакольнага асяроддзя Рэспублікі Беларусь;
- Чайкоўскі Аляксандр Іванавіч - генеральны дырэктар ДНВА "Навукова-практычны цэнтр НАН Беларусі па біярэсурсах";
- Бубнова Ганна Міхайлаўна - вучоны сакратар філіяла "Інстытут геалогіі" дзяржаўнага прадпрыемства "НПЦ па геалогіі", кандыдат біялагічных навук;
- Грамадская Алена Іванаўна - начальнік аддзела паверхневых вод рэспубліканскага унітарнага прадпрыемству "Цэнтральны навукова-даследчы інстытут комплекснага выкарыстання водных рэсурсаў";
- Кузьміч Святлана Андрэеўна - першы намеснік начальніка ДУ "Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя" (Белгідрамет);
- Ганчар Крысціна Віктараўна - навуковы супрацоўнік аддзела міжнароднага навуковага супрацоўніцтва і клімату РУП "БелНДЦ "Экалогія".
У якіх галінах Мінпрыроды праводзіла даследаванні ў 2023 годзе, расказала на прэс-канферэнцыі намеснік начальніка ўпраўлення аналітычнай работы, навукі і інфармацыі галоўнага ўпраўлення экалагічнай палітыкі, міжнароднага супрацоўніцтва і навукі Міністэрства прыродных рэсурсаў і аховы навакольнага асяроддзя Ірына Салаўёва, перадае карэспандэнт БЕЛТА.
“У 2023 годзе прадоўжана рэалізацыя мерапрыемстваў па стварэнню праграмнага комплексу для ацэнкі гідраметэаралагічнай абстаноўкі ў басейнах трансгранічных рэк Беларусі з выкарыстаннем даных дыстанцыйнага зандзіравання Зямлі. Гэта работа выконваецца сумесна з прадстаўнікамі Нацыянальнай акадэміі навук Беларусі. Касмічныя даныя дыстанцыйнага зандзіравання Зямлі як дадатковая крыніца інфармацыі аб’ектаў дапамогуць забяспечыць паўнату карціны на тэрыторыі трансгранічных. рэк аб стане водных аб’ектаў, снежным покрыве і затапленнях рачнымі водамі”, – распавяла Ірына Салаўёва.
Таксама яна дадала, што выконваюцца мерапрыемствы, накіраваныя на даследаванне складана пабудаваных геалагічных аб’ектаў і распрацоўку метадаў прагназавання перспектыўных участкаў на розныя віды мінеральнай сыравіны, што павышае інвестыцыйную прывабнасць асваення мінеральнай сыравіннай базы краіны.
“Навуковыя распрацоўкі ў галіне разліку прамых і ўскосных выкідаў парніковых газаў даюць магчымасць ацаніць вугляродаёмістасць айчыннай прадукцыі і верагодныя страты экспарцёраў у Еўрапейскі саюз з прычыны ўвядзення платы за вуглярод”, – растлумачыла намеснік начальніка ўпраўлення аналітычнай работы, навукі і інфармацыі галоўнага ўпраўлення экалагічнай палітыкі, міжнароднага супрацоўніцтва навукі Мінпрыроды.
Паводле яе слоў, для ўсіх краін пытанні экалагічнай бяспекі, знясілення прыродных рэсурсаў і змены клімату з’яўляюцца надзвычай актуальнымі, аб чым сведчыць значнае месца кліматычнай палітыкі ў грамадска-палітычных і навуковых дыскусіях.
“У Беларусі пытанні ўстойлівага выкарыстання прыродных рэсурсаў і аховы навакольнага асяроддзя, пераходу да экалагічна чыстых і рэсурсазберагальных тэхналогій вызначаны кіраўніком дзяржавы як прыярытэтныя. Таму асноўныя задачы па ўдасканаленню навуковай дзейнасці, якія мы ставім перад сабой у Год якасці – далейшае фарміраванне навуковага патэнцыялу арганізацый, якаснае выкананне навукова-даследчых работ з улікам развіцця новых напрамкаў, а таксама развіццё супрацоўніцтва ў распрацоўцы, рэалізацыі праектаў і праграм Саюзнай дзяржавы”.
