6 верасня 2024 г. зацверджаны План Мерапрыемстваў па ўзаемадзеянні Мінпрыроды з грамадскімі аб’яднаннямі, установай адукацыі “Рэспубліканскі цэнтр экалогіі і краязнаўства” і іншымі арганізацыямі па прасоўванні і рэалізацыі экалагічных ініцыятыў на 2024–2025 гады. План распрацаваны сумесна з членамі Грамадскай каардынацыйнай экалагічнай рады пры Мінпрыроды, узгоднены з Міністэрствам адукацыі і ўсімі зацікаўленымі.
Планам прадугледжаны мерапрыемствы па арганізацыйным узаемадзеянні Мінпрыроды з грамадскасцю, стварэнню ўмоў для прасоўвання і рэалізацыі экалагічных ініцыятыў, у тым ліку маладзёжных, інфармацыйнай рабоце.
Адным з першых вынікаў рэалізацыі мерапрыемстваў Плана стала сустрэча выхаванцаў Нацыянальнага дзіцячага тэхнапарку з удзельнікамі Беларускай антарктычнай экспедыцыі, якая адбылася 11 верасня і арганізавана пры садзейнічанні Мінпрыроды і грамадскага аб’яднання “Беларускае геаграфічнае таварыства”.
Мінпрыроды сумесна з установай адукацыі “Нацыянальны дзіцячы тэхнапарк” рэалізуецца Дарожнай карты па развіццю супрацоўніцтва ў 2024 годзе.
Навучэнцы атрымалі магчымасць даведацца аб жыцці ў экстрэмальных умовах, аб навуковых даследаваннях, якія праводзяцца ў Антарктыдзе, і аб важнасці вывучэння глабальных экалагічных змен. Удзельнікі палярных экспедыцый падзяліліся сваім унікальным вопытам і расказалі аб рэальных выкліках, з якімі яны сутыкаюцца. Важна, што імпрэза была не толькі пазнавальнай, але і праходзіла ў нефармальнай атмасферы з элементамі гумару.
Выстаўка “Жывыя камяні Антарктыды”, прадстаўленая ў рамках сустрэчы, дадала візуальнага складальніка да атрыманых ведаў, што таксама можа паслужыць крыніцай натхнення для моладзі.
