Сёння Кіраўнік прыродаахоўнага ведамства Сяргей Масляк правёў сустрэчу з працоўным калектывам Рэспубліканскага цэнтра дзяржаўнай экалагічнай экспертызы, падрыхтоўкі, павышэння кваліфікацыі і перападрыхтоўкі кадраў Мінпрыроды.
У сустрэчы таксама прыняў удзел намеснік Міністра Іван Прыходзька, які курыруе дзейнасць Цэнтра.
Дырэктар Цэнтра Аляксандр Булак прадставіў напрамкі дзейнасці, паказаў навучальныя аўдыторыі і іншыя ведамасныя аб’екты, уключаючы кафэ “ЭкаПаўза”, гасцініцу “ЭкаДом”, фізкультурна-аздараўленчы цэнтр “ЭкаСпорт”, і далей прадставіў даклад аб выніках работы Цэнтра за 1 паўгоддзе бягучага года.
Асаблівая ўвага ў час сустрэчы была ўдзелена перспектывам развіцця Цэнтра. Як адзначыў кіраўнік прыродаахоўнага ведамства, у Цэнтра шмат розных напрамкаў дзейнасці і ёсць высокі патэнцыял для развіцця.
Рэзюмуючы сустрэчу з калектывам Цэнтра, Сяргей Масляк пажадаў усім здароўя, добрага настрою і падкрэсліў, што многае дасягнута і неабходна рухацца толькі наперад!
