Тэма навядзення парадку актуальная заўсёды, незалежна ад пары года і абставін. Гэта не разавая акцыя, а штодзённая сістэматычная праца, карпатлівы і працаёмкі працэс.
Пачынаючы з 25 кастрычніка 2024 года тэрытарыяльнымі органамі Мінпрыроды па ўсёй краіне праводзяцца кантрольна-аналітычныя мерапрыемствы ў мэтах выяўлення стыхійных звалак у лясных масівах, паблізу ад садовых таварыстваў, дарог, вадаёмаў, месцаў адпачынку.
У мінулыя выхадныя Міністэрствам прыродных рэсурсаў і аховы навакольнага асяроддзя, яго тэрытарыяльнымі органамі, з удзелам першага намесніка Міністра прыродных рэсурсаў і аховы навакольнага асяроддзя Аляксандра Корбута праведзена каля 200 кантрольна-аналітычных мерапрыемстваў, накіраваных на ўстараненне несанкцыянаваных звалак. Падчас гэтых мерапрыемстваў абследаваны тэрыторыі ляснога фонду, уздоўж палос адводу аўтамабільных дарог, а таксама землі, прылеглыя да дачных кааператываў, садовых таварыстваў, вадаёмаў і месцаў адпачынку.
Вынікам працы стала выяўленне каля 1100 парушэнняў прыродаахоўнага заканадаўства. На 28 кастрычніка 2024 г. ліквідавана 165 месцаў несанкцыянаванага размяшчэння адходаў. Па астатніх выпадках прыняты неабходныя меры рэагавання, і кантроль за ўстараненнем парушэнняў застаецца за Мінпрыроды.
Такая работа па выяўленні і спыненні парушэнняў праводзіцца на сістэмнай аснове з асаблівай увагай у вясенне-асенні перыяд, калі назіраецца актыўнае наведванне грамадзянамі месцаў адпачынку і дачных масіваў.
Так, усяго з пачатку года тэрытарыяльнымі органамі Мінпрыроды праведзена каля 5 тысяч кантрольных мерапрыемстваў, падчас якіх выяўлена больш за 18 тысяч месцаў несанкцыянаванага размяшчэння адходаў. Па выяўленых парушэннях да адміністрацыйнай адказнасці ў выглядзе штрафу прыцягнута 455 вінаватых асоб на агульную суму больш за 900 тысяч рублёў. Да 1269 вінаватых асоб прыменены прафілактычныя меры адміністрацыйнага ўздзеяння ў выглядзе папярэджання. Праца ў гэтым напрамку працягваецца.
Міністэрства прыродных рэсурсаў і аховы навакольнага асяроддзя заклікае грамадзян паведамляць аб фактах несанкцыянаванага размяшчэння адходаў і актыўна ўдзельнічаць у мерапрыемствах па ахове навакольнага асяроддзя. Кожны з нас можа зрабіць свой унёсак у захаванне прыроды для будучых пакаленняў. Гэтыя намаганні важны не толькі для абароны навакольнага асяроддзя, але і для павышэння якасці жыцця грамадзян. Захоўваючы чысціню і парадак на тэрыторыях агульнага карыстання, мы ствараем камфортныя ўмовы для адпачынку і аздараўленні грамадзян.
