30 кастрычніка 2024 года пачалася рабочая паездка Міністра прыродных рэсурсаў і аховы навакольнага асяроддзя Рэспублікі Беларусь Сяргея Масляка ў Брэсцкую вобласць.
На працягу 3 дзён запланаваны ўдзел у мерапрыемствах:
- пасяджэнне Брэсцкага абласнога выканаўчага камітэта,
- сустрэча з губернатарам Брэсцкай вобласці Пятром Пархомчыкам,
- сустрэча рэктарам і студэнтамі экалагічных спецыяльнасцей УА «Брэсцкі дзяржаўны тэхнічны ўніверсітэт»,
- удзел у рабоце Міжнароднай навукова-практычнай канферэнцыі "Перспектыўныя напрамкі інавацыйнага развіцця і падрыхтоўкі кадраў",
- сустрэча з кіраўніцтвам і калектывамі ТАА "Акумулятарны альянс" і ААТ "Брэсцкі мясакамбінат",
- удзел у рабоце выязнога пасяджэння грамадскай каардынацыйнай экалагічнай рады пры Брэсцкім абласным камітэце прыродных рэсурсаў і аховы навакольнага асяроддзя.
30 кастрычніка кіраўнік прыродаахоўнага ведамства прыняў удзел у пасяджэнні Брэсцкага абласнога выканаўчага камітэта. У пасяджэнні таксама прынялі ўдзел Міхаіл Русы, старшыня Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве і Станіслаў Наркевіч, намеснік Старшыні Камітэта дзяржаўнага кантролю.
На пасяджэнні было разгледжана 3 пытанні:
- выкананне патрабаванняў Дырэктывы Прэзідэнта Рэспублікі Беларусь ад 27 снежня 2006 г. № 2 "Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва" пры ажыццяўленні адміністрацыйных працэдур і рабоце са зваротамі грамадзян,
- выкананне мерапрыемстваў па сацыяльна-эканамічным развіцці гарадоў Брэст, Баранавічы і Пінск на 2021 - 2025 гады,
- эфектыўнасць мер па супрацьдзеянні незаконнаму абароту наркотыкаў.
У рамках першага пытання, Міністр звярнуў увагу на неабходнасць комплекснага разгляду дзяржорганамі зваротаў грамадзян, юрыдычных асоб і індывідуальных прадпрымальнікаў, якія паступаюць, а таксама ажыццяўляць пастаянны аналіз эфектыўнасці гэтай работы.
Таксама Сяргей Масляк звярнуў увагу на неабходнасць пастаяннага пашырэння пераліку адміністрацыйных працэдур, прыём заяў і выдача рашэнняў па якіх будзе ажыццяўляцца праз службу “адно акно”. Дзякуючы выкарыстанню гэтай службы для ажыццяўлення адміністрацыйных працэдур трэба толькі падаць заяву, у тым ліку ў электронным выглядзе, што дае магчымасць скараціць колькасць наведванняў службы грамадзянамі да аднаго разу – для атрымання выніковага дакумента.
У рамках абмеркавання пытання аб эфектыўнасці мер па супрацьдзеянні незаконнаму абароту наркотыкаў Міністр зрабіў акцэнт на неабходнасці пошуку і прымянення новых метадаў прафілактыкі праз уцягванне моладзі ў грамадскае і спартыўнае жыццё.
