Кіраўнік дзяржавы пры назначэнні Сяргея Масляка на пасаду акрэсліў кола задач, якія стаяць перад новым кіраўніком ведамства.
«Што да Міністэрства прыродных рэсурсаў і аховы навакольнага асяроддзя, мы нядаўна правялі сур’ёзную нараду ў гэтым плане. Скажу проста: трэба капаць і шукаць. Акрамя гэтага, трэба, каб ты прымусіў усіх у гэтым напрамку працаваць. Я не веру, што ў нашых нетрах няма таго, што нам патрэбна. Вось калі хоць у нейкай ступені вырашыш гэту задачу – гэта помнік можна ставіць у любым месцы”, – сказаў Прэзідэнт.
Кіраўнік дзяржавы адзначыў, што ў Беларусі больш-менш разведалі радовішчы мінеральных угнаенняў. “Але я не веру, што ў нас няма вялікіх аб’ёмаў нафты”, – падкрэсліў Аляксандр Лукашэнка.
У сувязі з гэтым ён звярнуў увагу на тое, што ў сферы разведкі і здабычы нафты ў Беларусі цяпер працуе толькі адна кампанія. Прычым, як адзначыў прэзідэнт, працуе нядрэнна, і кіруе ёй добры спецыяліст. Тым не менш, у гэтай сферы няма канкурэнцыі.
«Не мы прыдумалі – канкурэнцыя павінна быць. Трэба больш меркаванняў, больш уражанняў і іншае», – арыентаваў новага Міністра Кіраўнік дзяржавы.
Што датычыцца задач у сферы прыродаахоўнай дзейнасці, Прэзідэнт сказаў: “Няма такога месца (больш у свеце. – Заўвага.) для жыцця людзей, якое падарыла нам, беларусам, прырода. І нам трэба гэта зберагчы. Я чалавек вельмі патрабавальны, які вырас у вёсцы. Можна сказаць, амаль у лесе. І я абвык беражліва ставіцца не толькі да жывёл, але і да раслін. Іх павінна быць больш, шмат павінна быць. Вазьмі пад свой кантроль высаджванне дрэў. Як я кажу, на адхон дарог, на няўдобіцах і гэтак далей. Усюды можа вырасці дрэва. А праз 80 гадоў гэта будзе добры лесаматэрыял, які змогуць выкарыстоўваць ужо нашыя дзеці».
Акрамя таго, Аляксандр Лукашэнка падкрэсліў важнасць лесанасаджэнняў для экалогіі. «Дрэва – гэта добрае паветра для дыхання людзей. Для нас гэта важна. Пасля балот лес з’яўляецца галоўным генератарам кіслароду на нашай планеце. Таму ўсюды павінны быць высаджаны дрэвы, дзе толькі могуць расці, – даручыў Прэзідэнт. – Вельмі шмат працы ў гэтым плане, і яна ў нейкай ступені запушчана».
Як расказаў Сяргей Масляк у гутарцы з журналістамі, Кіраўнік дзяржавы, прымаючы рашэнне аб назначэнні, акцэнтаваў увагу новага Міністра на пытаннях навядзення парадку на зямлі і добраўпарадкавання населеных пунктаў.«У гэтым кірунку роля Міністэрства прыродных рэсурсаў і аховы навакольнага асяроддзя каардынуючая. Менавіта нашае ведамства адказвае за гэтую працу», – сказаў кіраўнік Мінпрыроды. Акрамя таго, Прэзідэнт чарговы раз нагадаў аб неабходнасці азелянення адхонаў уздоўж асноўных аўтамабільных магістраляў, у прыватнасці ўздоўж МКАД.
Да назначэння на пасаду Міністра Сяргей Масляк працаваў кіраўніком адміністрацыі Заводскага раёна Мінска.У сувязі з гэтым журналісты пацікавіліся, ці няма ў яго хвалявання, асцярог наконт новага статусу і неабходнасці выконваць шэраг адказных задач. “Завадчан наогул складана спалохаць”, – з доляй гумару адказаў Міністр, чыё жыццё і значны перыяд працоўнай дзейнасці былі звязаны з Завадскім раёнам Мінска. З асаблівым гонарам ён падкрэсліў, што ў Беларусі магчымыя такія гісторыі кар’ернага росту, калі спецыяліста ацэньваюць па яго прафесійных якасцях: «Звычайны хлопец, які вырас у звычайным раёне, у маім выпадку – Завадскім, прайшоўшы пэўны этап у сваім жыцці, можа дабіцца вынікаў, дзякуючы сваёй працы. А ўжо ацэнка маёй працы – справа вышэйстаячага кіраўніцтва”.
Сяргей Масляк нарадзіўся 8 верасня 1980 года ў Менску. Скончыў Беларускі дзяржаўны тэхналагічны ўніверсітэт, Інстытут турызму Беларускага дзяржаўнага ўніверсітэта фізічнай культуры і Акадэмію кіравання пры Прэзідэнта Беларусі.
У 2002 – 2003 гадах працаваў памочнікам ляснічага Валмянскага лясніцтва пры Мінскім лясгасе.
2003 – 2005 – інжынер першай катэгорыі аддзела пошукаў і праектавання лесагаспадарчых аб’ектаў праектна-пошукавага рэспубліканскага унітарнага прадпрыемства “Белгіпралес”.
2005 – 2006 – вядучы спецыяліст аддзела гарадской гаспадаркі адміністрацыі Заводскага раёна Мінска.
2006 – 2012 – намеснік дырэктара камунальнага унітарнага прадпрыемства «Зеленбуд Заводскага раёна Мінска».
Красавік 2012 – верасень 2012 – намеснік дырэктара ТАА «Александрынарэмбуд».
2012 – 2013 – дырэктар камунальнага ўнітарнага прадпрыемства “Зеленбуд Першамайскага раёна Мінска”.
2013 – 2015 – намеснік кіраўніка Заводскага раёна Мінска.
2015 – 2019 – старшыня Мінскага гарадскога камітэта прыродных рэсурсаў і аховы навакольнага асяроддзя.
2019 – 2024 – кіраўнік адміністрацыі Заводскага раёна Мінска.
