Пунктам 38 Палажэння аб бесперапыннай прафесійнай адукацыі кіруючых работнікаў і спецыялістаў, зацверджанай пастановай Савета Міністраў Рэспублікі Беларусь ад 01.09.2022 № 574 прадугледжана, што кіраўнікі арганізацый забяспечваюць накіраванне:
- спецыялістаў па ахове навакольнага асяроддзя, іншых работнікаў, на якіх ускладзены абавязкі па ахове навакольнага асяроддзя і ажыццяўленню вытворчых назіранняў у галіне аховы навакольнага асяроддзя, рацыянальнага выкарыстання прыродных рэсурсаў для атрымання адукацыі пры засваенні зместу адукацыйнай праграмы павышэння кваліфікацыі кіруючых работнікаў і спецыялістаў па меры неабходнасці, але не радзей за адзін раз у 2 гады;
- кіраўнікоў службы аховы навакольнага асяроддзя для атрымання адукацыі пры засваенні зместу адукацыйнай праграмы павышэння кваліфікацыі кіруючых работнікаў і спецыялістаў па меры неабходнасці, але не радзей за адзін раз у 3 гады.
Артыкул 53. Патрабаванні да работнікаў, спецыялістаў і кіраўнікоў, дзейнасць якіх звязана з выкарыстаннем прыродных рэсурсаў і ўздзеяннем на навакольнае асяроддзе
1. Работнікі, дзейнасць якіх звязана з выкарыстаннем прыродных рэсурсаў і ўздзеяннем на навакольнае асяроддзе, абавязаны мець веды ў галіне аховы навакольнага асяроддзя і прыродакарыстання і рэгулярна іх падвышаць. Пры назначэнні службовых асоб і спецыялістаў, іх атэстацыі і пераатэстацыі павінна ўлічвацца наяўнасць у іх ведаў у галіне аховы навакольнага асяроддзя і прыродакарыстання.
2. Спецыялісты па ахове навакольнага асяроддзя, іншыя работнікі, на якіх ускладзены абавязкі па ахове навакольнага асяроддзя і ажыццяўленню вытворчых назіранняў у галіне аховы навакольнага асяроддзя, рацыянальнага (устойлівага) выкарыстання прыродных рэсурсаў, а таксама кіраўнікі службы аховы навакольнага асяроддзя < strong>праходзяць павышэнне кваліфікацыі ў парадку, устаноўленым заканадаўствам аб адукацыі.
3. Міністэрства прыродных рэсурсаў і аховы навакольнага асяроддзя забяспечвае павышэнне кваліфікацыі асоб, указаных у пункце 2 гэтага артыкула.
