У горадзе Томску адбылося пятае пасяджэнне Рабочай групы па супрацоўніцтве Рэспублікі Беларусь і Томскай вобласці пад старшынствам Міністра Сяргея Масляка і Губернатара Томскай вобласці Уладзіміра Мазура.
У мерапрыемстве таксама прынялі ўдзел прадстаўнікі бізнес-колаў, навуковага і акадэмічнага асяроддзя, гандлёва-прамысловай палаты і таварна-сыравіннай біржы. Удзельнікі пасяджэння абмеркавалі ход рэалізацыі дамоўленасцей, дасягнутых у рамках чацвёртага пасяджэння Рабочай групы, а таксама візітаў томскіх дэлегацый у Рэспубліку Беларусь у снежні 2023 года і чэрвені бягучага года.
З задавальненнем адзначыўшы высокі ўзровень узаемадзеяння, Міністр Сяргей Масляк і Губернатар Томскай вобласці Уладзімір Мазур звярнулі ўвагу прысутных на неабходнасць пераходзіць на новы ўзровень супрацоўніцтва, у тым ліку праз стварэнне прамысловых кааперацыйных праектаў.
Сярод найбольш перспектыўных напрамкаў супрацоўніцтва кіраўнікі Рабочай групы вылучылі наступныя:
- набыццё тэхнікі вядучых беларускіх прадпрыемстваў, такіх як МАЗ, МТЗ, АМКАДОР, Мінскі маторны завод, Белкамунмаш, Гомсельмаш і інш.;
- стварэнне мультыбрэндавых сэрвіснага цэнтра беларускай прамысловасці ў Томскай вобласці;
- правядзенне навуковых даследаванняў у галіне малатанажнай хіміі;
- удзел беларускіх і расійскіх спецыялістаў у праграмах перападрыхтоўкі і павышэння кваліфікацыі, у тым ліку з арганізацыяй стажыровак ва ўніверсітэтах і прадпрыемствах бакоў;
- падрыхтоўка праектаў і праграм Саюзнай дзяржавы ў галіне прамысловай мікраэлектронікі;
- абмен вопытам у галіне распрацоўкі схем абыходжання з адходамі, сартавання, перапрацоўкі другасных матэрыяльных рэсурсаў, будаўніцтва смеццеперапрацоўчых заводаў.
Падчас пасяджэнняў для томскага боку была таксама праведзена прэзентацыя Беларускай універсальнай таварнай біржы як эфектыўнага інструмента гандлю з Рэспублікай Беларусь.
Удзельнікі пятага пасяджэння Рабочай групы па супрацоўніцтве Рэспублікі Беларусь і Томскай вобласці Расійскай Федэрацыі дамовіліся прадоўжыць актыўнае ўзаемадзеянне ў мэтах выканання дасягнутых дамоўленасцей.
