22 красавіка адзначаецца не проста вялікае свята, а сапраўды глабальнае – Міжнародны дзень Маці-Зямлі – дзень нашага агульнага ўтульнага дома.
Свята заснавана на 63-й сесіі Генеральнай Асамблеі ААН у 2009 годзе і адзначаецца з 2010 года. Старшыня Асамблеі Мігель д’Эскота Брокман заявіў, што абвяшчэнне гэтага міжнароднага дня з’яўляецца прызнаннем таго, што Зямля і яе экасістэмы з’яўляюцца нашым домам і забяспечваюць чалавецтву жыццё.
Тэма дня 2024 года – “Планета або пластык”.Гэты дэвіз заклікае нас да рашучых дзеянняў, каб скараціць спажыванне пластыка і спыніць самае маштабнае забруджванне нашай планеты.
Пластык – матэрыял з унікальнымі ўласцівасцямі, надзвычай зручны ў многіх галінах, ад простага пакавання прадуктаў да пабудовы касмічных караблёў. Але самая галоўная яго перавага – таннасць вытворчасці. У пагоні за выгадай мы вырабляем усё больш і больш пластыка, зачыняючы вочы на тую шкоду, які наносім прыродзе і ўласнаму здароўю, але так далей працягвацца не можа.
Беларусь – адна з краін Еўропы з найбольшай плошчай некранутай дзікай прыроды. Змены ў экасістэмах, у тым ліку выкліканыя ўкараненнем у яе “пластыкавых кампанентаў”, цягнуць за сабой пагрозу для жывых арганізмаў. Менавіта таму ў Беларусі робіцца ўсё магчымае, каб пазбегнуць гэтых змен.
У рамках прэс-канферэнцыі будуць закрануты пытанні рэалізацыі ў краіне плана мерапрыемстваў, накіраваных на паэтапнае зніжэнне выкарыстання палімернай упакоўкі з яе замяшчэннем на экалагічна бяспечную, асобную ўвагу спікеры нададуць тэме шкоды пластыкавай кветкавай прадукцыі (напярэдадні Вялікадня і Радаўніцы) на прыроду. Што робіць дзяржава для абароны і захаванні экасістэм? І што могуць зрабіць простыя грамадзяне для аховы прыроды? І шматлікае іншае…
Удзел у мерапрыемстве прымуць:
Максім Тарасаў, намеснік начальніка галоўнага ўпраўлення рэгулявання абыходжання з адходамі, біялагічнай і ландшафтнай разнастайнасці – начальнік упраўлення рэгулявання абыходжання з адходамі Міністэрства прыродных рэсурсаў і аховы навакольнага асяроддзя;
Людміла БАРТАШЭВІЧ, намеснік начальніка ўпраўлення біялагічнай і ландшафтнай разнастайнасці галоўнага ўпраўлення рэгулявання абыходжання з адходамі, біялагічнай і ландшафтнай разнастайнасці Мінпрыроды;
Руслан ШАЙКІН, дырэктар Цэнтра экалагічнага выхавання і развіцця, грамадскі эколаг Мінскага гарадскога камітэта прыродных рэсурсаў і аховы навакольнага асяроддзя;
Протаіерэй Уладзімір Даўгаполаў, адказны за ўзаемадзеянне Беларускай Праваслаўнай Царквы з Мінпрыроды;
Міхаіл МАКСІМЕНКОЎ, старшы навуковы супрацоўнік ДНВА «Навукова-практычны цэнтр НАН Беларусі па біярэсурсах».
